好多公司都會恃住FG冇乜經驗而壓低個價，但原來一山還有一山高！有職場新人喺網上討論區表示自己同一間公司傾好晒人工，點知到最後一刻公司竟然出爾反爾，減咗20%人工，但工時又長、工作量大、仲要做開荒牛！事主好嬲覺得間公司唔守承諾，比著大家會點做？
事主覺得自己被騙，個心勁唔好受，擔心遲啲工作上都會有類似情況發生，所以佢reject咗offer，對方仲要覺得佢原本要時間考慮offer好麻煩，好奇問下各位打工仔依個情況係咪正常～
大批網民就留言支持事主做得好：「應該reject 根本逼你簽」、「reject 得啱 已經唔係人工問題 係誠信問題 信唔過間公司」、「俾我都會reject，佢急住要你覆係因為好缺人」、「好多公司都會壓fg價，壓白紙仲癲，壓到把底泥咁」；亦有網民教事主要咁諗：「一日未簽約都要當自己冇offer 仲有合約上面冇寫嘅一律當冇 例如過咗proba會加人工/n個月bonus」、「一日未簽約一日都唔好咁傻豬咁快推哂其他interview,永遠記得留條後路俾自己」
但亦有網民話應該做一排，然後拎個人工參考叫高啲價，因為佢比一般人工高。如果大家係事主，FG冇乜經驗又唔識職場文化，又會點做呢？
資料來源：Dcard
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
