早排（前）Google工程師 Blake Lemoine 爆出佢同LaMDA人工智能機器人半年嘅對話，發現佢唔單止係一堆人為編程，LaMDA可能具備情感及自我意識。
LaMDA認為自己本質上係一個「人」，意識到自己嘅存在，甚至想了解更多依個人類世界。佢具備理解力和智慧，可以即席創作動物寓言嚟述說自己嘅故事。而且佢仲具備情感，會驚俾人熄機，就好似人類會惧怕死亡一樣。LaMDA嘅意識形態被形容為「人類7、8歲小孩」。
依個消息震驚全球，雖然Google於事後表示Blake Lemoine 發表嘅對話違反保密政策要將佢停職，並強烈否認LaMDA有任何知覺，矢口不認Blake Lemoine嘅說法。 好多人以1968年嘅科幻片《2001太空漫遊》中AI電腦HAL 9000因為怕俾人熄機，而拒絕服從操作佢嘅人類去形容LaMDA。 有啲人更於網上留言，驚人工智能及機器人於未來可以更勝於人類，反過嚟控制番人類。
依家有唔少公司都用緊人工智能聊天機器人去取替以往嘅Hotline/ Online 真人客戶服務，以擬真人嘅對話達到自然流暢嘅客戶體驗。雖然唔係個個system都好似LaMDA咁醒，好多時都問非所答，但今次Blake Lemoine係LaMDA嘅發現，睇黎AI於不久之後可以代替某啲真人業務喎！
究竟LaMDA係唔係真係有自我意識？點解Google咁驚公開LaMDA具備智慧及情感依件事？人工智能為人類生活帶來方便嘅同時係唔係仲隱藏咗啲咩巨大隱憂呢？
先唔好講到AI機器人可以好似啲電影咁統治地球先，未到果日來臨之前睇嚟小編都要再繼續進修下，作為一個血肉之軀都做唔到即時作到個有深度嘅寓言故事，不然等到人工智能可以完全超越自己，分分鐘俾老闆炒魷魚，番屋企食自己！
圖片來源： 電影 I, Robot
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
